- आदिवासी अस्मिता उपर तीन दिन के राष्ट्रीय शोध-संगोष्ठी
रायपुर, संस्कृति, खाद्य अउ नागरिक आपूर्ति मंत्री श्री अमरजीत भगत ह कहिन हे कि आदिवासी समाज के मान-सम्मान अऊ स्वाभिमान के रक्षा जरूरी हे। मुख्यमंत्री श्री भूपेश बघेल के नेतृत्व म राज्य सरकार कोति ले आदिवासी समाज के उन्नति बर सरलग उदीम करे जात हे। इही कड़ी म आदिवासी नृत्य महोत्सव के आयोजन करे गए हे। मुख्यमंत्री आदिवासी अस्मिता ल बचाय म लगे हें। श्री भगत आज गढबो नवा छत्तीसगढ़ के थीम उपर आदिवासी अस्मिता: काल आज अऊ काल विसय उपर राजधानी म आयोजित तीन दिवसीय राष्ट्रीय शोध-संगोष्ठी के उद्घाटन सत्र ल सम्बोधित करत रहिन। गोष्ठी के आयोजन गोंडवाना स्वदेश मासिक पत्रिका के तरफ ले अउ संस्कृति विभाग के विशेष सहयोग ले आयोजित करे जात हे।