स्कूल शिक्षा मंत्री के नेवता ल हिरदे ले झोंकिन
रायपुर, छत्तीसगढ़ म पहली पइत आयोजित होत राष्ट्रीय आदिवासी नृत्य महोत्सव म संघरे बर उत्तरप्रदेश के उपमुख्यमंत्री डॉ. दिनेश शर्मा अपन सहमति प्रदान करे हें। मुख्यमंत्री श्री भूपेश बघेल कोति ले ये आयोजन के नेवता ल लेके स्कूल शिक्षा मंत्री डॉ. प्रेमसाय सिंह आज उत्तरप्रदेश म उहां के उपमुख्यमंत्री डॉ. दिनेश शर्मा ले सौजन्य मुलाकात करिन अऊ ओ मन ल राज्य म 27 ले 29 दिसंबर तक आयोजित होवइया राष्ट्रीय आदिवासी नृत्य महोत्सव म आए बर नेवता दीन। डॉ. शर्मा ह ये अनूठा आयोजन के सफलता बर अग्रिम बधाई देवत सहृदय ले आमंत्रण स्वीकार करिन अऊ 29 दिसंबर के आए के सहमति घलोक दीन।
हम आप ल बता देवन के 27 ले 29 दिसंबर तक आयोजित होवइया राष्ट्रीय आदिवासी नृत्य महोत्सव म भारत के कई ठन राज्य मन अउ केंद्र शासित प्रदेश मन के जनजाति समूह मन के भागीदारी अऊ सहभागिता बर अऊ पड़ोसी देश मन के कलाकार मन ल राष्ट्रीय आदिवासी नृत्य महोत्सव म प्रस्तुति बर आमंत्रित करे हे। प्रबंध संचालक पूर्ण शिक्षा श्री पी. दयानंद संग आन प्रतिनिधिगण उपस्थित रहिन।